مالذى حدث بالضبط للسفينة اليابانية EVER GIVEN عند عبورها ضمن قافلة الجنوب حتى جنحت بمثل هذا الجنوح مع طول السفينة 400 مترا ووزنها 224 الف طم وعرضها 260 متر؟! فهل تسببت الرياح العاصفة وراء ذلك مع السرعة الزائدة لربان السفينة فى محاولة لتفاديه اى شحوط او جنوح ؟ لا احد بالضبط يعلم مالذى حدث بينما الربان سيد شعيشع الخبير الدولى فى الحوادث البحرية فى مداخلته مع ابراهيم عيسى حديث القاهرة على قناة القاهرة والناس اكد ضرورة رصد كل الاحداث التى المت بالسفينة مع ماسجله الصندوق الاسود مؤكدا ان حدوثه ليس غريبا وسوف يحدث مرة اخرى فهذا امر طبيعى سواء بسبب خلل فنى او التفاف السفينة او غيرها
https://fb.watch/4tDv3uutpV/
فيما كتب الدكتور عصام عزت البكل عميد مجمع خدمة الصناعة بالاكاديمية العربية للعلوم والتكنولوجيا والنقل البحري عبر حسابه على الفيسبوك ان . السفينة بكتلتها الضخمة دى بيبقى عندها حاجه اسمها قصور ذاتى inertia وقيمته وتاثيره بيزيد مع السرعة … وحتى لو وقفت الماكينات هاتستمر تتقدم مسافه ولو القبطان تأخر فى أمر توجيه الدومان وكانت السرعة عالية ببساطة هايشحط فى جانب المجرى الملاحى ولأن الرفاص شغال هايستعرض ويسد القناة … وماجبناش سيرة احتمال ال squat خالص أهو 
.
٢. سفن الحاويات دى سفن رايحه جايه محمله وبالتالي تصميمها لايحتاج صهاريج اتزان بدرجة كبيرة مثل سفن ناقلات الصب اللى زى ناقلات الحبوب والبترول واللى بتروح محمله وترجع فاضيه وبنحتاج فى رحلة العودة صهاريج اتزان نملاها مية بحر علشان نتحكم فى التوازن ونغطس الرفاص فيعطى الدفع اللازم وقبل دخول الموانئ بتفرغ السفينة فى البحر هذه المياه .
٣. فى سفن الحاويات بنحتاج اننا نعمل قاع مزدوج (قاع فوق القاع) ولازم يكون قوى علشان تتحط فوقه كل صفوف الحاويات دى وعالى علشان يمكن استغلاله كصهاريج وقود وماء عذب وايضا يساهم فى الاتزان لو حمولات السطح كبيره وسحبت مركز الثقل لأعلى (وده وضع بيقلل من اتزان السفينة) وهنا بنملأ بعض صهاريج القاع المزدوج بمياه بحر علشان تنزل مركز الثقل لأسفل ونحسن الاتزان .
eBlue_economy_عصام_اليكل
٤. فى حاجه اسمها عدد الأطنان لكل سنتيمتر ومنها نعرف السفينة محتاجه تزود أو تشيل كام طن علشان الغاطس (الجزء المغمور من السفينة) يزيد أو يقل سنتيمتر واحد …. وببساطه علشان الكل يفهم .. لو تخيلنا إن السفينة دى صندوق … طوله ٤٠٠ متر وعرضه ٦٠ متر يبقى عدد الأطنان اللى ترفعها أو تنزلها سم واحد هى ٢٤٠ طن .
طيب القاع المزدوج فى السفينة دى هايبقى على الأقل ٢ متر … يبقى لو كان ممتلئ تماما بماء البحر … هايكون وزن الميه اللى هو الحجم فى الكثافة … ٤٠٠ متر طول فى ٦٠ متر عرض فى ٢ متر ارتفاع فى ١ اللى هو كثافة الميه (نفرض انها ميه عذبه للتسهيل) يعنى ٤٨٠٠٠ طن ..
لو قسمنا ال ٤٨٠٠٠ الف على ال ٢٤٠ يطلع ان السفينة دى لو فرغنا صهاريج القاع المزدوج ممكن تقب ٢ متر … ده لو هى صندوق … طيب هى مش صندوق … ومش كل القاع المزدوج صهاريج ميه … نقول يعنى ١٠٠ سم يعنى متر ياقباطين … مش سنتيمترات لاتذكر… وده ارتفاع مناسب جدا بإذن الله يعومها.
٥. السفينة دى لها موانئ شحن وتفريغ خاصة وأوناش خاصه مش بالساهل كده نقول ننزل حاويه من فوق .
٦. الريح فى مصر غالبا شمال غرب أو شمال شرق والسفينة فى عرض البحر فى المحيط لما تقابل بحر هائج بننصح القباطين بمواجهة الريح … وده من غير نصايح الوضع اللى السفينة بتمر بيه فى قناة السويس
eBlue_economy_معتز_البنا
بينما كتب معتز البنا وهو قبطان DPO at P.M.S Petroleum Marine Service Cmpany على حسابه الخاص ايضا على الفيسبوك موكدا ان قناة السويس ممر ملاحي طبيعة التربة بتفرض فيه ان الاعماق في اجناب القناه تكون صغيره جدا فنتيجه دفع محركات السفن للتربه بالاسفل تتجمع التربه علي اجناب القناه ،وهذا الامر من اسباب تحديد سرعات السفن خلال عبورها القنوات الملاحية
ومع تعليمات المرشد يتم تحديد خط السير بالقناه ويكون علي العمق المناسب لغاطس السفينه اثناء العبور والذي رسمه ضابط ملاحة السفينه علي خرائطها مسبقا ولكن المرشد لديه التفاصيل الكامله لجغرافيا المكان ومرشدي قناة السويس علي كفاءه وتمرس ودرايه تامه بعبور مثل هذه السفن العملاقه
وبالفعل قناة السويس كل واحد بيشتغل بالمجال البحري فعلا بيفتخر بمصريتها لذلك يجب علي ربان السفينه اللي بيبقي هو القائم علي القياده بنفسه في اثناء العبور اعطاء الاولويه لرأي المرشد فيما لا يتعارض مع سلامه وامان السفينه.
الحادث عمليا لا يمكن لاحد وصف المشكله او حلها بدون وجود تقرير للحادث وده ليه معايير كتير من ضمنها تحديد الخطأ هل بقا هو بشري ولا عطل ولا ايه اساسه هل طاقم المركب ده كان متبع كل اجراءات السلامه وتقييم المخاطر ومتبع كل القواعد الدوليه والمحليه وهل كان علي علم بالاحوال الجويه والكلام الحلو ده كله والتحقيق ده طبعا في جهات واسماء بالمجال البحري سواء محليا او عالميا هي اللي بتقوم بيه
وبالجانب الاخر نعمل مسحه للجزء المتضرر من القناه ومن بدن السفينه (الجزء المصطدم في الاعماق الصغيره علي جانب القناه نتيجة انحراف خط سير السفينه ) وبناء عليه يتم تحديد الطريقة المثاليه لتفادي احتمالية ذيادة الاضراروربما يؤخذ في الاعتبار التوقيت المناسب لكي تكون الطبيعه من سرعة رياح وتيار مع اتجاه اخراج السفينه لا مضاده له.نظريا اظن ان تخطي مصر للحادث بيتم باحترافيه وان البلد هتعرف تحافظ علي حقها في اي تضرر حصل للقناه سواء مادي او معنوي بس بشكل محترم ومحترف مع المتضرر الاخر والعالم كله متابع ده وفى نهاية البوست اشار الى ان ” ده طبعا اجتهاد شخصي علي قدر معلوماتي في المجال وفي خبرات كتيره قادره علي التصحيح او التوضيح لكلامي اكتر”
إلى ذلك، ذكرت الشركة الألمانية ” Boskalis “، التي تعمل مع آخرين لتحرير سفينة الشحن Evergiven، أنه من المبكر جدا معرفة الوقت اللازم لتحريك السفينة.
اللى ذلك، ذكرت الشركة الألمانية ” Boskalis “، التي تعمل مع آخرين لتحرير سفينة الشحن Evergiven، أنه من المبكر جدا معرفة الوقت اللازم لتحريك السفينة.
